معلومات حول ابر ماكنةوالخياطة لكل قماش ابرة خاصة
في آلة الخياطة لكل قماش إبرة خاصة حسب النوع والسُّمك، وقبل البدء في الخياطة لازم نعرفو أي نوع قماش عندنا وأي إبرة مناسبة له؟
اختيار الإبرة المناسبة يسهّل عليك الخياطة والنتيجة تكون نظيفةومضمونة، يحافظ على الإبرة من الإنكسار، يحافظ على القماش من التلف، و أكيد يحافظ على الآلة من الأعطال...
⬅️⬅️نتبعو هذه التوجيهات :
⬅️القماش الرقيق جدا وخفيف مثل الموسلين الرقيق، الفولار، الاورغنزا، والشاش والشيفون نستعملو ابرة رقم 09 وننقص من سرعة الآلة.
⬅️القماش رقيق مثل الحرير، الطافطا نستعملو إبرة رقم 11.
⬅️القماش قطيفة او بيزو بيزو ولا يتكسل نستعملو ابرة رقم 12 ونديرو رجِل خياطة بلاستيك ونطلعوه قليلا.
⬅️القماش عادي مثل الكتان والجيرزي، الساتان، البيركال و البوبلين والموسلين المتوسط والقطن ..الخ نستعملو ابرة رقم 14 والسرعة تكون عادية ورِجل الخياطة تكون مسطحة .
⬅️القماش فيه تموجات، طبقات، وأماكن خشنة قليلة والمشبك او السكاي او لاطوال سيري نستعملو ابرة رقم 16 .
⬅️القماش خشين شوية ويابس مثل الجينز والقباردين والجلد نستعملو إبرة رقم 18 وننقص طول الغرزة.
⬅️القماش خشين بزاف مثل الباش او ماطلا المضربة أو أي قماش خشين مطوي على اثنين، نديرو ابرة رقم 21 وننقص في طول الغرزة وسرعة الآلة.
